Государственные
символы

«Ерте жүктіліктің алдын алу» және «Жасөспірімдердің физиологиясы, күтімі»

           Ағымдағы жылдың  24-ші  қаңтар күні, Маңғыстау облыстық салауатты өмір салтын қалыптастыру орталығы медициналық мекемесі Мұнайлы аудандық филиалының ұйымдастыруымен, Маңғыстау ауылындағы №1 жалпы білім беру орта мектебінің жоғарғы 9-10 сыныптар арасында кездесу өткізілді. 

          Кездесуге орталық емхананың жасөспірімдер дәрігері Г. Суханбердиева оқушыларға «Жасөпірімдердің физиологиясы, күтімі» жөнінде айтса, гинеколог дәрігері         Г. Эрекова ерте жүктіліктің алдын алу, ерте және мәжбүрлі некеден қорғалу құқықтарын жүзеге асыру негізінде айтып, оқушылардың  сұрақтарына жауап берді. 

         Шараның негізгі мақсаты: жасөспірімдер арасында ерте жүктіліктің алдын алу, әдет-ғұрыпты, салт-дәстүрді қыз баланың бойына сіңіре отырып, келешекте ана алдында қоғамның, ұлттың тыныс-тіршілігі барысындағы үлкен жауапкершіліктің тұрғандығын сезіндіре отырып, әдепті, сыпайы, адамгершілігі мол, білімді жан жақты жетілген қыз бала болуға тәрбиелеу . Шара барысында Маңғыстау облыстық салауатты өмір салтын қалыптастыру орталығының медициналық мекемесі, Мұнайлы аудандық филиалы мамандары симуляциялық құралдарды таныстырып, жүктіліктің алдын алу жөнінде бейне-роликтер көрсетіп , тақырыпқа сай ақпараттық- ағарту материалдары таратылды. Барлығы 48 оқушы қамтылды.