Ағымдағы жылдың, қазан айының оныншы жұлдызы күні, Мұнайлы ауданы, Маңғыстау  селосында орналасқан,  №1-ші жалпы білім беру орта мектебінде, 7, 8-ші  сыныптар арасындағы оқушылармен «Ерте жүктіліктің алдын алу» атты  тақырыбында кездесу өтті. 

           Мақсаты: Жасөспірімділерге тақырыпқа байланысты жағдайларды түсіндіру және сол жағдайлардан сақ болу.

           Кездесуге СӨСҚООММ Мұнайлы аудандық филиалының меңгерушісі: Г.Жиенбаева, Мұнайлы орталық аудандық емхана  гинеколог дәрігері: Майланова Бақтыгүл Бөкенбайқызы, психолог маманы  Орынбасарова Мариям Нұрлыханқызы қатысты.  Г.Жиенбаева, кездесу мақсатын айтып, сауалнама жүргізіп, Мұнайлы орталық аудандық емханасының  гинеколог дәрігері: Б.Майланова, жасөспірімділер арасындағы «Ерте жүктіліктің алдын алу» бойынша толықтай мағлұмат берді.

           Ал, психолог маманы: М.Орунбасарова, оқушыларға психологиялық кеңес беріп, тренинг жүргізді. СӨСҚООММ мамандары тақырыпқа сай  бетшелер, бүктемелер таратып, слайд көрсетті.  Мектеп оқушылары белсенді түрде қатысып, сұрақтарға жауап беру арқылы кездесудің нәтижесін көрсетті. 

           Қатысқан окушылар саны: 85.

          Мұнайлы орталық аудандық емханасы,

          10.10.2018 жыл.