Государственные
символы

Құқық бұзушылық,зорлық-зомбылық пен ерте жүктіліктің алдын алу

  22.09.2016 жылы:Білім бөлімі,мектеп директоры және тәрбие ісі жөніндегі орынбасарының ұйымдасуымен  сағат 9:00-де Батыр селосында орналасқан  №10 орта мектепте және сағат 11:30-да Маңғыстау-4 тұрғын үй массивінде орналасқан №11 орта мектепте кезекті  7-11 сынып арасындағы оқушылармен кездесу өтті.

Кездесу тақырыбы: «Құқық бұзушылық,қаңғыбастық,нашақорлық,суицид, жыныстық тиіспеушілік,зорлық-зомбылық,ерте жүктіліктің алдын алу».Мақсаты:жасөспірімдерді жаман жолға түспеуіне ықпал жасап,болашақтарына нақты қадам басуларына көмектесу.Кездесудің тақырыбын және мақсатын аудандық білім бөлімінің бас маманы Сатыбалды Б. және  аудандық білім үйлестіру орталығының тәрбие жөніндегі әдіскері Иманкулова М. түсіндіріп өтті.Ең бірінші сөз кезегі Аудандық ішкі істер бөлімі жергілікті полиция қызметінің Ювеналдық полиция тобының полиция мойоры Сарсенбаева Ж. берілді.Ол қылмыс,оның түрлерін және қылмысқа бару туралы түсінік берді.Екінші сөз кезегі Батыр селосында орналасқан  дәрігерлік амбулаториясының аға медбикесі Мукашева Г. және Маңғыстау-4 педиатрі Измагамбетова С. берілді.Олар өз сөз кезегінде нашақорлық,оның түрлерін,есірткіге құмарлық және есіркінің ағзаға әсерін,соның ішінде психикалық әсері туралы айтып өтті.Нашақорлықтан емделу,есірткі пайдаланудың кесірінен қылмыс жасалатынын(алдау,ұрлау) түсіндірді.№10 орта мектептің тәрбие жөнінде орынбасары және №11 орта мектеп директоры Адилбекова Қ. мектепте бар үйірмелері мен спорт секцияларының тізімін,сонымен қатар ауданымызда бар спорт және өнер мектептері туралы айтып,бос уақыттарын бос өткізбеуге шақырды.Келген қонақтарға оқушылар мен мектеп ұжымы алғыстарын білдірді.