Ағымдағы жылы аудан көлемінде қызылша аурушаңдығының эпидемиологиялық жағдайының өршуі аудан тұрғындарын бейжай қалдырмады. Бұл мәселені аудан әкімі де штаб отырысында талдау жасап, алдын алу шараларын бағыттауда арнайы мамандармен ақпараттық түсіндіру жұмыстарын  қолға алуды тапсырған болатын.

Осы бағытта мониторингтік топ құрылып,  инфекциялық аурулардың алдын алуға бағытталған арнайы әдіс-вакцинация туралы түсіндіру жұмыстары Атамекен, Басқұдық, Қызылтөбе, Баянды, Бесшоқы, Батыр ауылдарынан кейін, Ақеспе, Шерқала, Айрақты селоларында жалғасын таппақ.