Ағымдағы  жылдың  ақпан  айының  2-ші  жұлдызында, Маңғыстау  облыстық  салауатты  өмір  салтын  қалыптастыру  облыстық  орталығы  медициналық мекемесі  Мұнайлы  аудандық  филиалының  ұйымдастыруымен, Маңғыстау  ауылы,  «Айгөлек»  балабақшасында, «Тұмаудың  алғашқы белгілері, жұғу жолдары, алдын алу» және  «Жатыр мойнының қатерлі ісігі » тақырыбында  дәріс  өткізілді. 
         Шараның негізгі мақсаты: барлық  халықтың, әсіресе  ауыру  қауіпі  жоғары  тұлғалар  арасында, оның  ішінде  емшектегі,  ерте  жастағы, мектепке  дейінгі  және мектеп  жасындағы  балалардың  ата-аналары  арасында  уақытында  вакцинациялаудың  қажеттілігі  туралы  ақпараттандыру  және  әйелдердің  өз  денсаулықтарына жауапкершілігін  арттыру, жатыр  мойнының  қатерлі  ісігінің  алдын-алу,  уақытылы  скринингтен  өту  керектігі  жайында  кеңінен  түсінік  жұмыстарын  жүргізу.

         Салауатты  өмір  салтын  ұстану  мақсатында  үгіт  насихат  жұмыстарын жүргізу  барысында Мұнайлы  орталық  аудандық   аурухана  инфекционист дәрігері: Асия Сапаргалиева  «Тұмаудың алғашқы белгілері, жұғу  жолдары және алдын-алу» тақырыбында  және  ЖРВИ  эпидемиологиясы,  клиникалық  көрсеткіштері  жөнінде дәріс  оқыды. Онколог дәрігері Ж. Давлетмұратова  "Жатыр  мойнының  қатерлі  ісігі" жөнінде  толықтай  ақпарат  беріп, тақырыпқа  сай  ақпараттық-ағарту  материалдары таратылды.

        Қамтылған адам саны --13.

                                                                                                                                                                                                                               "Мұнайлы  орталық  аудандық  ауруханасы" 

                                                                                                                                                                                                                                 05.02.2018 жыл