Аса жауапты және шексіз берілген қызметтеріңізде Сіздер ауданымыздың денсаулық сақтау саласының мерейін үстем етіп, жерлестеріміздің денсаулығын нығайтып, оны сақтауға зор үлес қосып келесіздер.  Ақ халатты абзал жандар ретінде әр науқастың жанына желеу болып, ауруға қарсы тұрып, саулығын қалыптастырып қана қоймай, адам бойына өмірлік күш-қуат беріп, жігерін жандырып келесіздер.  Сіздердің қай кезде де ғажайып туғыза білген мейірімді жүрегіңіз бен епті қолдарыңыз адамзаттың көкейіне сенімділік ұялатады.  Игілікті еңбектеріңіз, өз кәсіптеріңізге деген адалдықтарыңыз, азаматтардың денсаулығы жолында аянбай жасап отырған қызметтеріңіз үшін зор алғысымды білдіреміз. Сіздерге және жақындарыңызға зор денсаулық, еңбекте жеміс тілейміз!

Бақытты болыңыздар! Төл мерекелеріңіз құтты болсын, құрметті медицина қызметкерлері!

Игі тілекпен: Мұнайлы орталық аудандық емханасының ұжымы.