- «Медицина қызметкерлері арасындағы аудандық спартакиада»
Қазақстан Республикасы Президентінің 2012 жылдың 27 қаңтарында Қазақстан халқына жолдауын және денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын жүзеге асыру жөнінде іс – шаралар жоспары аясында 2014 жылдың 13 мамыр мен 12 маусым аралығында «Медицина қызметкерлері арасында аудандық және облыстық спартакиада» акциясы аясында Мұнайлы аудандық орталық ауруханасы, Жедел жәрдем ұжымы, Қызылтөбе, Дәулет, Маңғыстау -5, Атамекен, Басқұдық БМСККО орталықтарының қызметкерлерінің қатысуымен жарыс өткізілді.
Спортты іс-шараны салтанатты түрде директордың емхана жұмысы жөніндегі орынбасары Ж.А.Сариева ашып, қатысушыларға сәттілік тіледі.
Мұнайлы ауданында медицина саласының әйелдері арасында волейбол Батыр ауылындағы №10 орта мектепте ұйымдастырылып өткізілді. Олардың қатарында «Мұнайлы аудандық орталық ауруханасы», «Маңғыстау -5», «Қызыл –төбе», «Қызыл –төбе-1», «Қызыл –төбе-2», «Дәулет» емханаларының медицина қызметкерлері қатысты.
- Қазылар алқасының мүшелері: Директордың емхана жұмысы жөніндегі орынбасары Ж.Сариева,
Мұнайлы аудандық орталық
ауруханасының кәсіподақ төрайымы –Ш.Сапарбаева, "Дәулет"БМСККО аға медбикесі Л.Елубайқызы, "Маңғыстау-5" БМСККО аға медбикесі
Н.Қойбағарова ойын ережесінің сақталуын қадағалап отырды.
Ойын қызықты әрі тартысты өтті.
- Жарыс нәтижелері бойынша бірінші орынды «Мұнайлы аудандық орталық емханасы» иеленді. «Маңғыстау-5» емханасы екінші орынға қол жеткізсе, «Дәулет» емханасы үшінші орынға ие болды. Спартакиада жеңімпаздарына кубоктар мен естелік сыйлықтар тапсырылды.
- Іс-шараны ұйымдастырушылар СӨСҚО филиалының қызметкерлері.
- Сонымен қатар медицина қызметкерлері арасында облыстық спартакиада 7-маусым күні сағат 09.00-де 12 шағын ауданда орналасқан «Жас қанат» спорт кешенінде (ерлер, әйелдер арасында-волейбол, ерлер арасында-шағын футбол) өткізілді. Әйелдер арасында-волейболдан 3 орынды, ал ерлер арасындағы шағын футболдан 2 орынды иеленді.